U sheega Hablihiinna Talooyinkan

 

Marka ay hablihiinnu guursanayaan u sheega arrimahan:

1-     U sheega hablihiinna in sirta gurigeedu ay u dhexayso kuna ekaato iyada iyo ninkeeda oo keliya.

2-    U sheega hablihiinna in ayna jikaarin saygooda oo ayna ku afcelin, waayo canaadku guriga wuu duminayaa.

3-    U sheega hablihiinna in ay ilaaliso oo ixtiraamto ehelka ninkeeda.

4-   U sheega hablihiinna in qosolka dheer iyo codka dheeri ay burburinayso dheddignimadeeda.

5-    U sheega hablihiinna in beenta ay u sheegaysa saygeedu- xataa hal marna ha ahaatee- in ay ku waayayso kalsoonida ninkeeda oo isku kalsoonaantii dhimanayso.

6-   U sheega inantiinna in nadaafaddu ( ha ahaato ta jidhka ama nadaafadda guriga bee) ay ninka ku qasbayso inuu si wanaagsan ula dhaqmo gabadha, gurigiisana uu jeclaanayo.

7-    U sheega hablihiinna in ayna noqon gabdho dadka warka u kalaqaadda oo namiimad ah.

8-   U sheega hablihiinna in ayna noqdaan gabdho khajila- xataa marka ay ninkeeda la joogto.

9-   U sheega hablihiinna in ayna laba door qaadan oo jilin: Doorka dheddignimada iyo doorka ragannimada. Inantu waa dheddig, weligeedna dheddigaas ayay ahaanaysaa. Waxa muhiima in gabadhu gudato oo qaadato doorkeeda dheddignimada oo ay khejisho- se waa in ayna noqon dheddig isninaysa oo ragrag iska baadha.

10-                       U sheega hablihiinna in ayna la qoslin ragga ay ninkeeda qaraabada yihiin- marka laga yimaaddo xaalado gaar ah oo weliba ninkeeduna ka agdhawyahay.

11- U sheega hablihiinna in hinaasaha ninku uu ka hinaasanayo marwadiisu in uu yahay jacayl, balse aanu ahayn shaki.

12-                        U sheega hablihiinna in ayna isku illaawin guriga ehelkooda, guriga ehelkeedu wuxuu ka mudanyahay inay booqato keliya iyo in ay jeclaado oo xurmo u hayso, balse gurigeeda saxda ahi waa guriga ninkeeda.

13-                        U sheega hablihiinna in cid aan ninkeeda ahayni aanu culayskeeda iyo masuuliyaddeeda qaadi karin.

14-                       U sheega hablihiinna in ayna markasta qaylin oo ayna codka kor u qaadin.

15-                        U sheega hablihiinna in markasta oo ay ninkeeda wada hadlaan ama iskhilaafaan ayna soo horraysiin oo ayna odhan ‘ I fur’, oo ayna kalmaddan ‘ I fur’ afku ka qabsan.

16-                       U sheega hablihiinna in ayna ninkeeda ku cidlayna furaashka si kasta oo ay isku khilaafaan.

17-                        U sheega hablihiinna in ay u dhalloocaddeeyaan saygooda, oo ay ku qaabbilaan weji furan oo aan xidhxidhnayn iyo in ayna ku madax adkaan saygooda.

18-                       U sheega hablihiina in ay saygoodu marka uu shaqada ka soo laabto ay ku qaabbilaan dhunkasho, dhoollacaddayn iyo in ay koob biyo ah siiyaan.

19-                       U sheega hablihiinna in ayna ka tagin saygooda marka uu xanuunsanayo ama marka uu taagdaranyahay ee u baahanyahay.

20-                      U sheega hablihiinna in ay markasta tiir u noqdaan saygooda, oo ayna ka tagin gurigiisa- xataa si kasta oo ay isku khilaafsanyihiin oo khilaaf u jiro.

21-                        U sheega hablihiina in ay dheddignimada ku qancin karaan ninkooda si kasta oo uu isagu u yahay libaax wax ugaadhsanaya, balse u sheega in madax’adaygu iyaga uun dhibayo oo naftooda uun uu dilayo.

22-                      U sheega hablihiinna in ay noqdaan dheddig, in ay yihiin boqoradaha guriga, in ay gurigooda maamulaan iyo in ay guriga ku beeraan jacayl, maxabbo iyo naxariis.

 

Waxa diyaariyay Page ka Faysbuug ee (الدين الحياة~ https://www.facebook.com/100075924103707/posts/pfbid02y2iTm6rHh5Dg1pPxwBTPR7qDJDLgFULBRzzmwDnegTTHTZSiUbPtPCjhiznV5w62l/ ).

 

Waxa turjumay: Cabdirisaaq Sandheere

01 Ogosto, 2025