Faallada buuga " Dariiqa Habdhaqanka~The Road to Character"

-

 

 



Hordhac

Buuggan la yidhaahdo waxa qoray qoraa  David Brooks . Waa buugii 4aad ee uu qoray qoraagu. Mawduuca uu buugani ka warramayo qoraagu muddo badan ayuu dhigan jiray oo Jaamacadda YALE ka diyaariyay.

Buugga waxa la daabacay sannadkii 2015kii, waqtigaas uu daabacay qoraagu wuxuu yidhi: “ Buuga waxa aan u qoray si aan u noqdo daacad, iyo si aan u badbaadiyo ruuxdayda.

Qoraagu wuxuu buuga kaga warramayaa labada shay ee dabeecad ahaan qofka gudihiisa iyo debaddiisa ku hirdamaya.

Nuxurka Buuga

Waxa aynu kaga warrami doonaa cashirro ka mid ah kuwa buuga laga baran karo

1-      Isdhuldhigu waa awood: Awoodda dhabta ahi maaha kibirka, balse waa in qofku aqoonsado oo garto xuduudaha uu leeyahay, iyo inuu hore u socday. Isdhuldhigu waa seeska habdhaqanka.

2-    Muhiimadda deegaanka wanaagsan: Deegaanka wanaagsan ee qofka niyad ahaan taageerayaa wuxuu qaabeeyaa habdhaqanka. In aan nafaheenna ku hareerayno dadka wanaagsan oo aan samayno xidhiidho macne lihi waxa ay sii kordhinayaan koritaankeenna maskaxeed.

3-     Doorka halganka: In laga takhalluso caqabadaha iyo duruufuhu waxa a sii kordhinaysaa habdhaqankeenna, waxayna sii xoojinaysaa in aan si wacan u fahanno nafaheenna iyo dunidaba. In la kordhiyo halganku waa u muhiim koritaanka shakhsiyadeed.

4-    Khatarta ay leedahay iscaashaqa naftu: Qofka oo aad iskugu mashquulaa waxa ay keentaa inuu qofku noqdo keligii danayste, iyo in aanu qofku yeelan wax naxariisa. Haddaan baddelno dareenkeenna ku aadan waxyaahaha hareeraheenna ka dhacayaa waxa ay keenaysaa danayn iyo jiritaan macne leh.

5-     Awoodda jacaylka: Jacaylka qaybihiisa kala duwan waxa ay dhiirrigeliyaan in aynu xoojinno danaheenna, oo ficilkeenna ku ladhno naxariis, iyo dhiirranaan.Waa awood xoog leh oo dhinaca isbeddelka loo qaaday, gaar ahaan isbeddelka togan.

6-    Muhiimadda dhiirranida: In la garab istaago waxyaabaha saxan, xataa marka ay xaaladdu adagtahay waxa ay u baahantahay dhiirranaan maskaxeed, Iyada oo la horumarinayo habdhaqankan wanaagsan waxa aynu wakiillo u noqon karnaa isbeddelka dunida ka dhacaya ee dhinaca togan loo qaadayo.

 

Gebagebo

Buugu waa buug macne leh oo waxbadan innoo iftiiminaya. Waxa aan rejaynayaa in wuxuun laga fahmay sookoobidda. Waad mahasantihiin.

 

Diyaarinta Dr. Fami ( English)

Sookoobidda: Cabdirisaaq Sandheere

Oktoobar, 2024

 

Comments

Post a Comment

Popular posts from this blog

Safarkaygii Magaalada Goday

-
Image
    Hordhac 30 Ogosto, 2024ka waxa aan safar saacado badan qaatay ku gaadhay magaalada Goday ee Xarunta Gobolka Shabeelle. Ujeeddada safarku waxa ay ahayd ka qaybgalka Bandhiga Caalamiga ee Goday oo maalmahaas ka furmayay magaalada Goday, iyo dalbarasho dadban oo ay muhiim tahay in qofku dhulka, bulshada iyo ciiddiisaba bartaa. Qoraalkan kooban waxa aan kaga warrami doonaa socdaalkaas dheer ee aan ku tagay magaalada Goday, meelihii aan sii maray, iyo guud ahaan wixii aan deegaannadaa ku soo arkay. Waxa kale oo aan si guudmara uga warrami Bandhiga Caalamiga ee Goday oo maalmahaas magaalada ka socda iyo sidii jewigu ahaa. Deegaannada aan Maray Markii koowaad ayaan magaalada Jigjiga dhinaca Koonfur Bari uga baxay, waa jidka dheer ee boqollaalka kiiloomitira ee deegaanno badan taga, aakhirkana gaadha magaalada aan u socdo ee Goday. Abbaaro 10:00 ayaan ka dhammaaday Jigjiga oo dariiqa cagta saaray. Dhulku cagaar buu ahaa, agagaarka iyo meelaha ku hareeraysan laamaydu waxa ay ahayd ...
Read more

Bandhiga Buugta Goday 2024

-
Image
  Hordhac Sannadkan 2024 waxa markii 1aad magaalada Goday ka dhacay bandhig buug. Taariikh wayn iyo horumar ayay u tahay dadwaynaha magaalada Goday iyo cidkasta oo bandhigaa goobjoog u ahayd. Anigu shakhsiyan markii aad ayaan fursad u helay ka qaybgalka bandhiga Caalamiga ah ee Goday ( Goday International Book Fair). Bandhiga waxa cinwaan ama ladh looga dhigay ‘ Wax BARO, waxna BEERO.’    Waa halkudheg wayn oo ururinaya laba arrimood oo muhiim ah: Waxbarasho iyo shaqo. Waa laba qodob oo Bini’aadanka u muhiima, kaalin wayna ugu jira. Bandhigu wuxuu ka qabsoomay Xarunta Dhallinyarada Goday, iyo Hoolka Hotelka Shabeelle. Buugta waxa lagu iibinayay oo loo sharraxay Xarunta Dhallinyarada, halka doodaha iyo bandhigyada lagu qabanayay Hoolka Hotelka Shabeelle. Bandhiga waxa soo qabanqaabiyay dhallinyaro kala duwan ka soo jeeda magaalada Goday. Iyaga ayaa isxilqaamay oo u badheedhay inay markii 1aad bandhig sidaa u wayn ku qabtaan deegaannadan oo aan hore loogu qaban jirin bandhi...
Read more

MAXAAN KU SOO ARKAY MAGAALADA HERAR?

-
Image
     Hordhac   Ka Sandheere ahaan, markii koowaad waxa aan booqday oo soo arkay Magaalada Herar, May 19, 2o24. Herar in badan baan maqlayay, waxbadanna ka akhriyay, se inaan dhex joogsado oo wixii aan akhriyay arko waan ku faraxsanahay. Qoraalkan kooban waxa aan kaga warrami doonaa wixii aan ku soo arkay magaalada Herar, iyo guud ahaan wax ku saabsan magaalada facawayn ee Herar.                                             Sooyaalka Herar   Herar, waxa ay ku taallaa Bariga Itoobbiya. Waxa ay 500 KM u jirtaa magaala Madaxda Dalka Itoobbiya ee Addis Ababa. Waa magaala madaxda Gobolka Herar. Waxa ay ku taallaa dhul buurallay ah, dhul aad u qabaw, cagaar ah, dhir badan oo inta badan roobku ka da’o. Marka aad magaala guud ahaan fiirisid waxa ishaadu qa...
Read more