Cali Binu Abii Daalib oo u caddaalad sameeyay kuray yar oo aabbhii rag dileen oo dafireen? Sidee u xalliyay?

-



Asxaabigii waynaa ee Cali Binu Abii Daalib baa maalin soo galay Masaajidka. Wuxuu arkay wiil yar oo masjidka ka dhex ooyaya, wiilka yarna waxa ku hareeraysnaa rag badan oo isku dayayay in ay AAMUSIIYAAN! Markuu Cali arkay wiilkii yaraa ee ooyayay wuxuu ku yidhi: ' Maxaa kugu dhacay wiilkan yaroow?'

Wiilkii yaraa baa yidhi: " Mawlaaya, raggan aad arkayso waxa safar u baxay oo igaga tagay aabbahay, aabbahayna waa hantiile, hawlo ganacsina wuu u baxay, raggan ayuuna igaga tagay, iimana soo noqon; markii aan wayddiiyayna waxa ay igu yidhaahdeen ' Wuu dhintay.' Markii aan wayddiiyay wixii uu hanti iiga tagayna waxa ay igu yidhaahdeen ' Wax hantiya kama tagin.' Markii aan garsooraha uga dacwoodayna wuu dhaariyay, wuuna sii daayay."

Cali baa yidhi: ' Waxa aan xukumi doonaa oo ridi doonaa xukun aanu qofna samayn illaa Nebi Daa'uud CSW mooyee.' Intaas ka dib wuu u wada yeedhay dhammaantood, wuxuuna fiiriyay wejiyadooda, wuxuuna ku yidhi: ' Ii sheega waxa aad ku samayseen wiilkan yar." Qof baa si dhawaq leh u yidhi:" Wuu dhintay [aabbii]."

Cali wuu kala saaray, ninkasta wuu jeediyay jiho Masaajidka ka mid ah, wuxuuna u yeedhay xogyahiisii wax u qori jiray, wuxuuna ku yidhi ' Wax qor.' Raggiina wuxuu ku yidhi: ' Marka aad maqashaan aniga oo takbiirana ( oo Allahu Akbar) leh, idinkuna dhammaantiin iga wada daba takbiirta."

Intaas ka dib waxa qaylyay mid ka mid ah kuwii la tuhmayay, wuxuuna ku yidhi: " Ii sheega maalinta la dilay wiilkan yar aabbihii?" Nin baa yidhi: ' Maalintii noocaasa ahayd, bishii heblaayo, waqtigii noocaas ahaa ee sida ahaa." Cali baa ku yidhi: " Yaa u maydhay maydka?" Nin baa yidhi: ' Waxa u maydhay hebel."

 

Markii Cali ninkii intaa wayddiiyay ka dib wuu takbiirtay, dadkiina way takbiirteen sidii uu amray. Kuwii hadhay een takbiiran way shakiyeen markii ay maqleen takbiirta,waxayna xaqiiqsadeen in saaxiibkood qaldamay.

Cali wuxuu amar ku bixiyay in la xidho ninkii, ka dibna wuxuu u yeedhay nin kale, wuxuuna ku yidhi: ' Waad ogtahay waxa aad samayseen.' Ninkii baa si degdega u yidhi: ' Anigu kuwa wax dilay uun baan ka mid ahaa, wallaahi waan karahsanayay dilkiisa.' Ninkii wuu qirtay wixii uu sameeyay, oo isaga iyo asxaabtiisiiba way qirteen in ay dileen wiilka yar aabbihi. Markii uu Cali mid mid ugu yeedhay danbigii way qirteen, waxayna u maleeyeen in  saaxiibkood danbiga ku caddeeyay markii ay maqleen takbiirta. 

Xaqiiqda iyo sidii wax ahaayeen xeeladdan iyo fekraddan caqli badnaantu ka muuqato ayaa lagu ogaaday. Cali na wuu ciqaabay danbiilayaashii danbi fooshaxun sameeyay, wiilkiina wuu caloolfayoobaaday. Alle ha ka raalli noqdo Cali Binu Abii Daalib. 

Halkan ka akhriso qisada Af Carabiya: ( https://pub406.ayam.news/795579?fbclid=IwY2xjawJht45leHRuA2FlbQIxMAABHmUd8xE63wG4Uu8gFEtLEu9ZXtgyikpoYtng9bv19O55wWFMk0FOATYq-J7g_aem_YYRx7Vo2NR_9pcd0lgu1oA ) 


W/Q: Mustafa Agha 

Turjumid: Cabdirisaaq Sandheere

08-Abril-2025





 


Comments

Post a Comment

Popular posts from this blog

Gorfeynta Buugga “ A Woman of Firsts ~ Marwadii koowaad” oo Dr Edna Aadan qortay

-
Image
  Hordhac Buuggan waxa lagu magacaabaa “ A woman of Firsts ~ Gabadhii ugu horreysay.” Cinwaanhoosaadkiisu waa ‘ The Midwife who built A hospital and changed the world ~ Ummulisadii Cusbitaalka dhistay ee adduunyada baddeshay!” Waxa qortay Adna Aadan Ismaaciil. Adna, waa aasaasaha Dhaktarta Adan Aadan, iyo Jaamacadda Adna Aadan. Waxa ay soo noqotay Wasiirkii Arrimadaha debadda, iyo sidoo kale wasiirkii Arrimaha bulshada Soomaalilaan. Haddana waaa xubin ka mid an wadahadallada Soomaalilaan iyo Soomaaliya. Waxa ay isguursadeen, oo ay xaas u ahayd Madaxweynihii hore ee Soomaalilaan Maxammed Xaaji Ibraahin AHUN, sidoo kale Raysalwasaare ka noqday Soomaaliya waqtigii midawga. Waxa uu ka koobanyahay    257 bog. Waanna 17 Cutub oo xidhiidh ah. Waxa uu ka warramayaa taariikhnololeedka Adna Aadan.    Waxa aan isku dayayaa in aan gorfeeyo, oo meelaha qaar naqdiyo. Sidoo kale, nuxurka guud soo koobo. Nuxurka buugga Buugga intaanad gelin dhinaca hore ee XUQUUQDA buugga lagu ...
Read more

Markaad wax akhirid maxaa dhacaya?

-
Image
 Markii aad akhridid 10 buug: Waxa aad isdareensiin in aad ahay qof adduunyada fahmay oo waxa aad isku qaadan in aad tahay qof awooda inuu waajihi karo Faylasuufyada iyo khubarada waawayn. Bunka ayaad caashaqi oo ku labaceshayn, waxaanad dooran in aad fadhiisatid maqaaxiyaha oo kursi gaar ah ayaad isku kala bixin.  Marka aad 50 buug akhridid:   Waxa aad qaadan qalin oo waxa aad bilaabi in aad buug akhridid, buuga aad akhriyaysidna ka reebatid nuxur, xataa mararka qaar waxaabad ku qoran jeldiga buuga ( iyo meelaha bannaan).  Marka aad 100 buug akhridid:  Waxa aad kala saari doontaa buugta xulka ah ee wanaagsan iyo buugta liidata ee aan waxbadan kugu kordhinayn.  Marka aad 250 buug akhridid:  Dadka ayaad inta badan ka fogaan, oo waxa aad noqon kelidii socde; mana xiisayn doontid heesaha qarxay, iyo barnaamijyada faafay ee bulshadu ku yaacday, oo waxa aad iskaga noolaan caalamkaaga kuu gaarka ah.  Waxaanad raadin sida qofka waalan uu u raadiyo q...
Read more

Milicsigayga Sannadkan 2024 ( My Annual Review In 2024)

-
Image
   Hordhac   Waxa dhammaanaya sannad, oo waxa lagu jiraa maalmihii ugu danbeeyay sannadka 2024ka. Waa ila muhiim inaan dib ugu laabto sannadkaas galbaday.  In qofku naf ahaan u xisaabtamo, oo sannadka tagay wax iska wayddiiyaa waa muhiim. Waliba inuu qofku ogaado wixii u qabsoomay, iyo wixii ka qabyoobay saamayn wanaagsan ayay mustaqbalkiisa leedahay. In waqti tagay maxaa qabsoomay iyo maxaa qaldamay la iska wayddiiyaa horumar danbe oo amminta soo socota ah ayay keentaa. Qofku wixii ka qaldamay sannadka soo socda inuu saxo ayuu u xadhkaxidhanayaa.Sidoo kale, waxa ay keenaysaa sannadka soo socdana inuu u diyaargaroobo oo dadaal iyo halgan adag la yimaaddo. Aniga oo taas ka duulaya, waxa aan rabaa sannadkan dhammaaday ee 2024 ka aan si kooban u sheego waxa aan dheefay, buugta aan akhriyay, qoraallada aan qoray, waxa aan bartay, turjumaadda aan sameeyay, magaalooyinka aan u safray IWM. Akhriska Akhrisku waa caadadayda. Maalinkasta waxa aan jeclahay inaan wax akhriyo. Ma...
Read more