Haddaad rabtid in aad noqotid aqoonyahan...

-



Maaha kaliya in aad noqotid shaqaale ama kaliya in aad xafiiska Jaamacadda iyo Maktabaddeeda iska joogtid. Waa in caqligaagu xanbaaro wayddiimo waawayn, sidaa si la mid ah waa in qalbigaagu qaadi karo masuuliyadda jawaabta. Waa in aad xaqiiqsatid in aanad kaliya ahayn in aad aqoon yeelatid, balse waa in aad yeelatid wacyi, iyo qof abuuraya hiddidiilo iyo rejo.

Aqoonyahanoow, masuul baad ka tahay hadalka iyo kalmadda aad ka odhanaysid madalaha iyo meelaha aad muxaadarooyinka ( Lectures ka) ka jeedinaysid; sida aad masuulka uga tahay aamusnidaada marka aamusnidu tahay khiyaano iyo mid lagaga gabbanayo sheegidda xaqa. 

Adigu kaliya  ma tihid cilmibaadhe, balse waxa ku saaran in aad noqotid aqoonyahan damiir leh, qof wax naqdiya, iyo in aad noqotid qof bulshada ku xidha oo gaadhsiiya jaamacadda, iyo in aad la timaaddid aragti shaqaynaysa. 

Kuguma filna kaliya in aad cilmibaadhis qortid, oo aad faafisid. Su'aasha runta ahi waxa ay tahay: Weli ma keentay fekrad kaliya oo xal u noqonaysa dhibaato jirta? Fahanka aad ka haysatid nolosha, dadka iyo waaqicu ma gaadhsiisanyahay heerkii aad u baahnayd? Weli ma samaysay raad muuqda oo la arki karo? Ama wax lagaa dhegaysan karo oo waxqabada?

Waqtigu ma soo laabto, cid maqanna uma joogsado oo ma sugo. 

Maanta waxa aad u baahantahay fekerro kuu fura albaabada, fekerradaas oo aan ahayn kuwo doqonniimo leh, balse ha ahaadaan kuwo qiyamkaaga ka turjumaya. 

In aad aqoonyahan noqoto macnaheedu waxa weeyi in aad noqotid qof waaqici ah. Waa in aad usoo jeedsatid oo la socotid fekerrada ardaydaada, iyo  horumarinta qorshahaaga. Sidoo kale, waa in aad qaaddid hammiga bulshadaada. 

Kaliya ha noqon ' Cilmibaadhe'; balse, noqo iftiin. Cilmigu ma dego dhismayaasha waawayn, balse, wuxuu ku koraa dadka dhexdooda. 

W/Q:  نبض الروائع
Turjumid: Cabdirisaaq Sandheere
13 May, 2025. 


Comments

Post a Comment

Popular posts from this blog

Gorfeynta Buugga “ A Woman of Firsts ~ Marwadii koowaad” oo Dr Edna Aadan qortay

-
Image
  Hordhac Buuggan waxa lagu magacaabaa “ A woman of Firsts ~ Gabadhii ugu horreysay.” Cinwaanhoosaadkiisu waa ‘ The Midwife who built A hospital and changed the world ~ Ummulisadii Cusbitaalka dhistay ee adduunyada baddeshay!” Waxa qortay Adna Aadan Ismaaciil. Adna, waa aasaasaha Dhaktarta Adan Aadan, iyo Jaamacadda Adna Aadan. Waxa ay soo noqotay Wasiirkii Arrimadaha debadda, iyo sidoo kale wasiirkii Arrimaha bulshada Soomaalilaan. Haddana waaa xubin ka mid an wadahadallada Soomaalilaan iyo Soomaaliya. Waxa ay isguursadeen, oo ay xaas u ahayd Madaxweynihii hore ee Soomaalilaan Maxammed Xaaji Ibraahin AHUN, sidoo kale Raysalwasaare ka noqday Soomaaliya waqtigii midawga. Waxa uu ka koobanyahay    257 bog. Waanna 17 Cutub oo xidhiidh ah. Waxa uu ka warramayaa taariikhnololeedka Adna Aadan.    Waxa aan isku dayayaa in aan gorfeeyo, oo meelaha qaar naqdiyo. Sidoo kale, nuxurka guud soo koobo. Nuxurka buugga Buugga intaanad gelin dhinaca hore ee XUQUUQDA buugga lagu ...
Read more

Markaad wax akhirid maxaa dhacaya?

-
Image
 Markii aad akhridid 10 buug: Waxa aad isdareensiin in aad ahay qof adduunyada fahmay oo waxa aad isku qaadan in aad tahay qof awooda inuu waajihi karo Faylasuufyada iyo khubarada waawayn. Bunka ayaad caashaqi oo ku labaceshayn, waxaanad dooran in aad fadhiisatid maqaaxiyaha oo kursi gaar ah ayaad isku kala bixin.  Marka aad 50 buug akhridid:   Waxa aad qaadan qalin oo waxa aad bilaabi in aad buug akhridid, buuga aad akhriyaysidna ka reebatid nuxur, xataa mararka qaar waxaabad ku qoran jeldiga buuga ( iyo meelaha bannaan).  Marka aad 100 buug akhridid:  Waxa aad kala saari doontaa buugta xulka ah ee wanaagsan iyo buugta liidata ee aan waxbadan kugu kordhinayn.  Marka aad 250 buug akhridid:  Dadka ayaad inta badan ka fogaan, oo waxa aad noqon kelidii socde; mana xiisayn doontid heesaha qarxay, iyo barnaamijyada faafay ee bulshadu ku yaacday, oo waxa aad iskaga noolaan caalamkaaga kuu gaarka ah.  Waxaanad raadin sida qofka waalan uu u raadiyo q...
Read more

Milicsigayga Sannadkan 2024 ( My Annual Review In 2024)

-
Image
   Hordhac   Waxa dhammaanaya sannad, oo waxa lagu jiraa maalmihii ugu danbeeyay sannadka 2024ka. Waa ila muhiim inaan dib ugu laabto sannadkaas galbaday.  In qofku naf ahaan u xisaabtamo, oo sannadka tagay wax iska wayddiiyaa waa muhiim. Waliba inuu qofku ogaado wixii u qabsoomay, iyo wixii ka qabyoobay saamayn wanaagsan ayay mustaqbalkiisa leedahay. In waqti tagay maxaa qabsoomay iyo maxaa qaldamay la iska wayddiiyaa horumar danbe oo amminta soo socota ah ayay keentaa. Qofku wixii ka qaldamay sannadka soo socda inuu saxo ayuu u xadhkaxidhanayaa.Sidoo kale, waxa ay keenaysaa sannadka soo socdana inuu u diyaargaroobo oo dadaal iyo halgan adag la yimaaddo. Aniga oo taas ka duulaya, waxa aan rabaa sannadkan dhammaaday ee 2024 ka aan si kooban u sheego waxa aan dheefay, buugta aan akhriyay, qoraallada aan qoray, waxa aan bartay, turjumaadda aan sameeyay, magaalooyinka aan u safray IWM. Akhriska Akhrisku waa caadadayda. Maalinkasta waxa aan jeclahay inaan wax akhriyo. Ma...
Read more