GUMEYSIGA MASKAXDA!

-

 

                                     GUMEYSIGA MASKAXDA!



Gumeysigu wuu noocyo badan yahay oo caynba-cayn. Waxaa  jira mid dhaqaale, mid dhuleed, mid siyaasadeed, mid maskaxeed IWM. Ka ugu xun waaka maskaxda─ waana kaan u dhareerinayo sheegistiisa.
Gumeysigu maskaxdu wuxuu curyaamiyaa maskaxda, wuxuuna sida furuqa ugu furaa dullinnimo iyo dalabaabi is-hoos-dhigiddu hoggaamiso , wuxuunna qofka naftiisa u diidaa “is-ahaansho ~ Pluralism,” iyo isku filnaasho.

Qofka marka maskaxd laga kireysto ama macnawi ahaan (معنوي) laga qabsado wuu kala hadlaa oo hawada ayuu sida huubaha kala raacaa! Waana sababta mararka qaar qofka loo yidhaa muuqiisa duleed uun baa hebel nool. Qofkuna hadduu maankiisa isku hagi waayo, hagardaamo kama dhamaato, hadallo iyo huuhaa laga fiicanyahayna wuu ku hadaaqaa sidii dhallaanka, carruurta!

Gumeysigaa waxaa ka mid ah Guul wadeynta.Guul wadeyntu, asal ahaan waxa ay ka timid (Guul iyo wade) waa erayo fiican marka sidaa loo kala qaado ee midba gaar loo akhriyo, marka la isku daro ayey bahdilaad noqotaa─  oo loo qoraa (Guul wadeyn), macnaheeguna:  waa is-jilcin, is-dulleyn  ammaan xad dhaafa oo kolba sheyga/qofka aad amaanasaa uuna laheyn, waxaana ka muuqata rabbaayad iyo in aad qofkaasi isa siisay oo aad fiirsi la’aan ugu sheegaso wax laga yakhyakhsoodo─ oo dadka caadiga ahi ka hunqaacaan, cantara baqashna dhuraso.

Waana waxyaabaha qofka dulleeya, qalbi jab noloshiisa dambana ku dhiraandhiriya markuu canjada dib u celiyo!
 Waa mid ka mid ah gumeysiga maskaxda ee adduunka heysta gaar ahaanna SOOMAALIDA. Carruur iyo cirroolaba waa lagu tasbiixsadaa.  Markaa hore waa qiiro, markuu qofka qiiradaasi ka dhamaato wuu ka calaacalaa. Wuuna ka shanleeyaa![……..]
     W/Q: Abdirazaq Sandheere.
     Drwadaad.yare@gmail.com



Comments

Post a Comment

Popular posts from this blog

Safarkaygii Magaalada Goday

-
Image
    Hordhac 30 Ogosto, 2024ka waxa aan safar saacado badan qaatay ku gaadhay magaalada Goday ee Xarunta Gobolka Shabeelle. Ujeeddada safarku waxa ay ahayd ka qaybgalka Bandhiga Caalamiga ee Goday oo maalmahaas ka furmayay magaalada Goday, iyo dalbarasho dadban oo ay muhiim tahay in qofku dhulka, bulshada iyo ciiddiisaba bartaa. Qoraalkan kooban waxa aan kaga warrami doonaa socdaalkaas dheer ee aan ku tagay magaalada Goday, meelihii aan sii maray, iyo guud ahaan wixii aan deegaannadaa ku soo arkay. Waxa kale oo aan si guudmara uga warrami Bandhiga Caalamiga ee Goday oo maalmahaas magaalada ka socda iyo sidii jewigu ahaa. Deegaannada aan Maray Markii koowaad ayaan magaalada Jigjiga dhinaca Koonfur Bari uga baxay, waa jidka dheer ee boqollaalka kiiloomitira ee deegaanno badan taga, aakhirkana gaadha magaalada aan u socdo ee Goday. Abbaaro 10:00 ayaan ka dhammaaday Jigjiga oo dariiqa cagta saaray. Dhulku cagaar buu ahaa, agagaarka iyo meelaha ku hareeraysan laamaydu waxa ay ahayd ...
Read more

Bandhiga Buugta Goday 2024

-
Image
  Hordhac Sannadkan 2024 waxa markii 1aad magaalada Goday ka dhacay bandhig buug. Taariikh wayn iyo horumar ayay u tahay dadwaynaha magaalada Goday iyo cidkasta oo bandhigaa goobjoog u ahayd. Anigu shakhsiyan markii aad ayaan fursad u helay ka qaybgalka bandhiga Caalamiga ah ee Goday ( Goday International Book Fair). Bandhiga waxa cinwaan ama ladh looga dhigay ‘ Wax BARO, waxna BEERO.’    Waa halkudheg wayn oo ururinaya laba arrimood oo muhiim ah: Waxbarasho iyo shaqo. Waa laba qodob oo Bini’aadanka u muhiima, kaalin wayna ugu jira. Bandhigu wuxuu ka qabsoomay Xarunta Dhallinyarada Goday, iyo Hoolka Hotelka Shabeelle. Buugta waxa lagu iibinayay oo loo sharraxay Xarunta Dhallinyarada, halka doodaha iyo bandhigyada lagu qabanayay Hoolka Hotelka Shabeelle. Bandhiga waxa soo qabanqaabiyay dhallinyaro kala duwan ka soo jeeda magaalada Goday. Iyaga ayaa isxilqaamay oo u badheedhay inay markii 1aad bandhig sidaa u wayn ku qabtaan deegaannadan oo aan hore loogu qaban jirin bandhi...
Read more

MAXAAN KU SOO ARKAY MAGAALADA HERAR?

-
Image
     Hordhac   Ka Sandheere ahaan, markii koowaad waxa aan booqday oo soo arkay Magaalada Herar, May 19, 2o24. Herar in badan baan maqlayay, waxbadanna ka akhriyay, se inaan dhex joogsado oo wixii aan akhriyay arko waan ku faraxsanahay. Qoraalkan kooban waxa aan kaga warrami doonaa wixii aan ku soo arkay magaalada Herar, iyo guud ahaan wax ku saabsan magaalada facawayn ee Herar.                                             Sooyaalka Herar   Herar, waxa ay ku taallaa Bariga Itoobbiya. Waxa ay 500 KM u jirtaa magaala Madaxda Dalka Itoobbiya ee Addis Ababa. Waa magaala madaxda Gobolka Herar. Waxa ay ku taallaa dhul buurallay ah, dhul aad u qabaw, cagaar ah, dhir badan oo inta badan roobku ka da’o. Marka aad magaala guud ahaan fiirisid waxa ishaadu qa...
Read more