Sawirkan ayaa Noloshiisii Galaaftay!

-

 


Sawirqaade Kevin Carter, waxa noloshiisii iyo xirfaddiisiiba galaaftay SAWIRKA hoose! Sannadkii 1993kii ayuu sawirkan gacantiisa ku qaaday, wuxuu ka dalka Suudaan. Sawirku waxa weeyaan gabadh yar oo Suudaaniis ah oo gaajo darteed u dhimatay. Dalka Suudaan waqtigaas waxa ka jirtay abaar ba’an iyo gaajo. Sawirka isla markii la qaaday ba waxa daabacday Mareegta New York Times. Markii akhristayaashu arkeen sawirka aad bay u waceen Kevin, iyaga oo raba inay ogaadaan waxa gabadha yar helay. Mareegta New York tallaabo kale ayay qaadday oo waxa ay isku dayday inay daabacdo tifaftiruhu arrintaas wuxuu ka odhanayo, iyo sida ay wax u jireen iyo xaaladda meeshaas ka jirtay.
Dhammaan akhristayaashii iyo dadkii sawirka arkay faallooyin taban ayay ka bixiyeen. Dadka qaar waxa ay yidhaahdeen ‘ Kevin, oo ah ninka sawirka qaaday waa qof aan bini’aadannimada waxba ka garanayn.
Dhinaca kale, sawirkaas qaabka uu u qaaday iyo farshaxannimada sawireed ee ka muuqata darteed wuxuu ku guulaystay abaalmarinta ABAALMARIN. Bishii Julaay sannadkii 1994kii ayuu dhintay. Sababta uu u dhintay waxa lagu sheegay inuu isagu isdilay, oo isqudhgooyay sawirkaa uu qaaday dartii; maadaama falcelin taban lagala horyimid, laguna shaabbadeeyay inuu yahay qof aan bini’aadannimada waxba ka garanayn. Werwer iyo isku buuq inuu isku dilayna waa la sheegay.
Sawirqaade Kevin, kaliya sawirkaas uun ma qaadin, sawirro badan ayuu qaaday, dhammaantood waxa ay ka simanyihiin inay yihiin kuwo argaggax leh, oo farriin diraya.
Sawirqaade Kevin, wuxuu ku koray dalka Koonfur Afrika xilliyadii uu faquuqa iyo haybsoocu ka jiray, maadaama uu dhul haybsooc iyo kala sarrayn ka jirto ku koray waxa loo aaneeyaa in taasi ku sababtay inuu sawirro noocana qaado.
Kevin, wuxuu markasta isku dayi jiray inuu meesha ka saaro dhaqanka xun ee ah faquuqa, isaga oo jidkii ku taaganna wuu dhintay!
W/Q: Cabdirisaaq Sandheere

Comments

Post a Comment

Popular posts from this blog

Faallada Buugga “ Furaha Ganacsiga”

-
Image
   Hordhac   Buuggan waxa la yidhaahda “ Furaha Ganacsiga”, cinwaanhoosaadkiisuna waa ‘ Bilaabista, badbaadinta iyo kobcinta ganacsiga.’ Waxa qoray Dhaqaalayahan Siciid Cali Shire. Sacad, waa aqoonyahan ku takhasusay culuumta ganacsiga, hoggaaminta, iyo bangiyada Islaamka. Wuxuu ka soo shaqeeyay xarumo aqoon, cilmibaadhis iyo latalina oo ku kala yaalla daafaha dunida. Siciid, waa guddoomiyaha shirkadda Buuh Consulting, oo ah shirkad 10kii sano ee la soo dhaafay ka shaqaynaysay horumarinta xarumaha cilmiga, hay’adaha khayriga ah iyo ganacsiga Soomaalida. Dhinaca kale, Siciid waa qoraa buugaag kala duwan qoray, kaliya buuggan uu ma qorine buug kale ayuu qoray, buugta uu qoray waxa aan ka xusi karnaa: Bangiyada Islaamka, oo uu qoray sannadkii 2014kii, iyo buugga la yidhaahdo ‘ Sidee loo noqdaa Hoggaamiye Isbeddel Horseeda’ oo uu soo saaray sannadkii 2014kii. Iyo buugga la yidhaahdo ‘ Dawladnimo’ oo uu saaray sannadkii 2016kii. Buuggan ‘Furaha Ganacsiga’ dhawr daabacadood buu u sameeyay. T
Read more

Gorfaynta buugga ‘ 100 Mashruuc iyo Mashruuc’

-
Image
   Hordhac   Buuggan la yidhaahdo ‘100 Mashruuc iyo Mashruuc’ waxa qoray Xamse Xabiib Xuseen, oo ah Wadaad arrimaha dhaqaalaha inta badan ka hadla, sidoo kalana ah dhiirrigeliye iyo tababbare cashirro bixiya. Wuxuu soo saaray badhtamihii sannadkan sii galbanaya ee 2023ka. Waxa lagu soo bandhigay Caasimadda Hargaysa, gaar ahaan Hotelka Maansoor. Wuxuu ka koobanyahay  4 Cutub, oo ballaadhan, weliba qaybo ayuu u sii qaybinayaa marmar qoraagu. Bog ahaan wuxuu ka koobanyahay 200 bog oo waraaqadda A5 ka ah. Marka hore waan bogaadinayaa qoraaga, wuxuu wax ka qoray mawduuc ay yartahay in dadka Soomaaliyeed wax ka qoraan, ama qoraalkiisa iyo ka hadalkiisuba yaryahay ; taas qoraaga waan ku bogaadinayaa. Buugu guud ahaantii wuxuu ka warramayaa waxa loo yaqaanno ‘ Horumarinta Dhaqaalaha Shakhsiga ah.’   Ka akhriste ahaan, waxa aan isku dayi doonaa inaan sheego wixii aan kala kulmay, iyo sida aan u arko baaxadda buugu leegyahay ee mawduuca uu falanqaynayo. Nuxurka Buugga Cutubka 1aad wuxuu qoraagu
Read more

MAXAAN KU SOO ARKAY MAGAALADA HERAR?

-
Image
     Hordhac   Ka Sandheere ahaan, markii koowaad waxa aan booqday oo soo arkay Magaalada Herar, May 19, 2o24. Herar in badan baan maqlayay, waxbadanna ka akhriyay, se inaan dhex joogsado oo wixii aan akhriyay arko waan ku faraxsanahay. Qoraalkan kooban waxa aan kaga warrami doonaa wixii aan ku soo arkay magaalada Herar, iyo guud ahaan wax ku saabsan magaalada facawayn ee Herar.                                             Sooyaalka Herar   Herar, waxa ay ku taallaa Bariga Itoobbiya. Waxa ay 500 KM u jirtaa magaala Madaxda Dalka Itoobbiya ee Addis Ababa. Waa magaala madaxda Gobolka Herar. Waxa ay ku taallaa dhul buurallay ah, dhul aad u qabaw, cagaar ah, dhir badan oo inta badan roobku ka da’o. Marka aad magaala guud ahaan fiirisid waxa ishaadu qabanaysaa dhir aad u farabadan. Magaalada Herar, waqtigii hore waxa lagu naanaysi jiray magaaladii Awliyada ( The City off Saints). Oo Carabta ayaa magacaas u taqaannay, sababtuna waxa ay ahayd culimo badan baa ku noolaa. Dhinaca kale, Magaalada
Read more