Faallada Buugga “๐˜๐จ๐ฎ๐ซ ๐๐ž๐ฑ๐ญ ๐…๐ข๐ฏ๐ž ๐Œ๐จ๐ฏ๐ž๐ฌ “

-

 

 

Hordhac

Buuggan la yidhaahdo “๐˜๐จ๐ฎ๐ซ ๐๐ž๐ฑ๐ญ ๐…๐ข๐ฏ๐ž ๐Œ๐จ๐ฏ๐ž๐ฌ “  waxa qoray Patrick Bet-David. Patrick waa ganacsade hal’abuure ganacsi, qoraa iyo lataliye dhaqaale. Qoraagu waa reer Maraykan. Wuxuu aasaasay wakaalado kala duwan oo ka shaqeeya ganacsiga, latalinta iyo talooyinka la xidhiidha ganacsiga.

Buuggan wuxuu ka warramayaa farshaxanka qofku Istaraatijiyadda ganacsigiiisa uu ku maarayn lahaa.

Nuxurka Buugga

Waxa aan isku dayi doonaa inaan tilmaamo dhawr qodob oo nuxurka buuggu ku soo ururayo.

Tallaabada 1aad: Maamul garashada naftaada

Garashada naftu way ku yartahay oo dhif iyo naadir bay ku tahay in laga sheekeeyo wareegga ganacsiga, balse waa suurtagal la’aan in aad hore u socotid oo hore uma socon kartid la’aanta wacyiga nafta. Marka aad si dhaba u qorshaysatid qof ka aad dhab ahaan noqonaysid jihada aad u dhaqaaqaysid ama u soconaysid waa in ay ahaato mid cad oo bayaan ah, sidoo kale waa in aad garanaysid sababta aad u samaynaysid.

Tallaabada 2: Maamul awoodda sababaynta

Sida aad arrimaha u qaabaynaysid iyo habka aad go’aannasada u samaynaysid waa muhiim. Ma jiro go’aan iskugu jira madaw iyo caddaan. Markaa waa in aad sababta iyo go’aankaagaba caddaysaa.

Tallaabada 3aad: Maamul dhisidda Koox isfahansan

Si aad u samaysid koox dhisan oo kula shaqaysa waxa muhiim ah in aad dadka kale fahantid. Haddii aad dadka caawisid waxa aad samayn kartaa koox ka qayb qaadata koritaankaada, iyo horumarkaaga.

Tallaabada 4ad: Maaree Istaraatijiyaddaada

Haddii aad rabtid in aad koritaan gaadhid baro sida hantida kor loogu qaado, sida wax midhadhalaya si degdega loogu maalgashado, iyo in aad abuurtid hab kuu oggolaanaya in aad heshid ama joogtaysid awooddaada waxqabadka. In aad si joogta ah u eegtid halbeegaagu waa qayb ka mid ah waxyaabaha ganacsigaagu u baahanyahay.

Tallaabada 5aad: Maarayntu awoodda qofka ayay daartaa/kicisaa

Qofkastaa wuxuu u baahanyahay in uu waxa aad qabanaysid ku soo hirto, haddii aad adigu wax wacan qabsatid na waxa ay kuu soo jiidaysaa sumcad wayn iyo qorshayaal waawayn oo mustaqbalka ah. Waa in aad barataa sida loo maareeyo isticmaalka Baraha Bulshada ee looga dhigo mid midhodhal leh, oo u qurxinaya sheekada.

Had iyo jeer shantaas qodob fiiri.

 

Waxa aan tixraacay Faallada uu ka qoray Trainer Muhsin Ihsan.

 Muuqaal ahaan halkan ka daawo: Buugga 68; Gugii 4aad: Faallada Buugga " The Next Five Moves~ Shanta Tallaabo ee Xiga." - YouTube 

W/Q: Cabdirisaaq Sandheere

12-12-2022

 

Comments

Post a Comment

Popular posts from this blog

Safarkaygii Magaalada Goday

-
Image
    Hordhac 30 Ogosto, 2024ka waxa aan safar saacado badan qaatay ku gaadhay magaalada Goday ee Xarunta Gobolka Shabeelle. Ujeeddada safarku waxa ay ahayd ka qaybgalka Bandhiga Caalamiga ee Goday oo maalmahaas ka furmayay magaalada Goday, iyo dalbarasho dadban oo ay muhiim tahay in qofku dhulka, bulshada iyo ciiddiisaba bartaa. Qoraalkan kooban waxa aan kaga warrami doonaa socdaalkaas dheer ee aan ku tagay magaalada Goday, meelihii aan sii maray, iyo guud ahaan wixii aan deegaannadaa ku soo arkay. Waxa kale oo aan si guudmara uga warrami Bandhiga Caalamiga ee Goday oo maalmahaas magaalada ka socda iyo sidii jewigu ahaa. Deegaannada aan Maray Markii koowaad ayaan magaalada Jigjiga dhinaca Koonfur Bari uga baxay, waa jidka dheer ee boqollaalka kiiloomitira ee deegaanno badan taga, aakhirkana gaadha magaalada aan u socdo ee Goday. Abbaaro 10:00 ayaan ka dhammaaday Jigjiga oo dariiqa cagta saaray. Dhulku cagaar buu ahaa, agagaarka iyo meelaha ku hareeraysan laamaydu waxa ay ahayd ...
Read more

Bandhiga Buugta Goday 2024

-
Image
  Hordhac Sannadkan 2024 waxa markii 1aad magaalada Goday ka dhacay bandhig buug. Taariikh wayn iyo horumar ayay u tahay dadwaynaha magaalada Goday iyo cidkasta oo bandhigaa goobjoog u ahayd. Anigu shakhsiyan markii aad ayaan fursad u helay ka qaybgalka bandhiga Caalamiga ah ee Goday ( Goday International Book Fair). Bandhiga waxa cinwaan ama ladh looga dhigay ‘ Wax BARO, waxna BEERO.’    Waa halkudheg wayn oo ururinaya laba arrimood oo muhiim ah: Waxbarasho iyo shaqo. Waa laba qodob oo Bini’aadanka u muhiima, kaalin wayna ugu jira. Bandhigu wuxuu ka qabsoomay Xarunta Dhallinyarada Goday, iyo Hoolka Hotelka Shabeelle. Buugta waxa lagu iibinayay oo loo sharraxay Xarunta Dhallinyarada, halka doodaha iyo bandhigyada lagu qabanayay Hoolka Hotelka Shabeelle. Bandhiga waxa soo qabanqaabiyay dhallinyaro kala duwan ka soo jeeda magaalada Goday. Iyaga ayaa isxilqaamay oo u badheedhay inay markii 1aad bandhig sidaa u wayn ku qabtaan deegaannadan oo aan hore loogu qaban jirin bandhi...
Read more

MAXAAN KU SOO ARKAY MAGAALADA HERAR?

-
Image
     Hordhac   Ka Sandheere ahaan, markii koowaad waxa aan booqday oo soo arkay Magaalada Herar, May 19, 2o24. Herar in badan baan maqlayay, waxbadanna ka akhriyay, se inaan dhex joogsado oo wixii aan akhriyay arko waan ku faraxsanahay. Qoraalkan kooban waxa aan kaga warrami doonaa wixii aan ku soo arkay magaalada Herar, iyo guud ahaan wax ku saabsan magaalada facawayn ee Herar.                                             Sooyaalka Herar   Herar, waxa ay ku taallaa Bariga Itoobbiya. Waxa ay 500 KM u jirtaa magaala Madaxda Dalka Itoobbiya ee Addis Ababa. Waa magaala madaxda Gobolka Herar. Waxa ay ku taallaa dhul buurallay ah, dhul aad u qabaw, cagaar ah, dhir badan oo inta badan roobku ka da’o. Marka aad magaala guud ahaan fiirisid waxa ishaadu qa...
Read more