XOG kaa QARSOON: SIRDOON

-

 


Raggu intooda badan waxa ay leeyihiin nugayl badan, oo way quwadjabaan marka ay dheddigu soo hor istaagaan oo daciifnimo badan ayay yeeshaan; waxaana soo baxda meelaha uu ninku daciifka ka yahay ee god daloolooyinka ka leeyahay. Waxaa suurtagal ah in taariikhdu arrintaas ka maragkacayso oo iyadu markhaati u tahay. Sheekooyinka Daliila, Istiir iyo Saaluumi ayaa tusaale innoo noqon kara. Waxa aynu si wayn u arki doonaa sida xeesha dheer ee gabadha quruxda badan u saamayso ninka— ninkuna wuxuu diyaar u noqdaa oo u diyaargaroobaa inuu gabadhaas daraaddeed waxkasta u sameeyo.

Sidaas darteed ayaynu aragnaa in hay’adaha Sirdoonku ay shaqaalahooda ka mamnuucaan jaceylka. Waxayna doorbidaan in shaqaalahoodu ay ahaadaan kuwo hore u guursaday oo qoysas leh. U jeeddada ay sidaa u samaynayaan waa iyaga oo ka hortagaya in qalad uu ku dhaco Sargaalka u shaqaynaya oo jaceyl haleelo—Sargaalkaas marka uu jaceylku ku dhacana shaqada ayuu dayacayaa oo wuxuu aad u tixgelinayaa jaceylkiisa.

Waxaa jirta qiso caan ah oo ay si fiican u yaqaannaan Raashiyaanku oo ku saabsan ninka la yidhaahdo Wujdaan Sataashanki oo jeclaaday gabadh Jarmalka Bari u dhalatay. Wuxuu shaqooyinkiisa qaar ka mid ah u tagay Jarmalka Galbeed. Wujdaan iyo gabadhii waxa ay ku heshiiyeen inay isguursadaan, wuxuuna ku xidhay fargalkii guurka. Markii uu ninkii soo laabtay ee muraadkiisii soo gutay waxaa la soo xidhiidhay jaceylkiisii, waxayna u sheegtay inay uur leedahay, dhawaanna dhali doonto ilmo oo ummuli doonto.  Waxa ay ka codsatay ninkeedii inuu u soo laabto oo u yimaaddo, balse waxaa ka horjoogsaday oo u diiday inuu u tago Sirdoonkii Ruushka. Dabadeed, jaceylkiisii ayaa muddo yar ka dib la soo xidhiidhay, waxayna u sheegtay inay ilmo dhashay, balse uu dhintay oo ay sugayso inuu u yimaaddo oo ilmaha yar aaskiisa qabanqaabiyo. Markan Sirdoonka Ruushku wuu u oggolaaday in ninku safar ku yimaaddo meesha xaaskiisu joogto, ilmihiisuna ku dhintay. Sirdoonka Ruushku markii ay ninkan u oggolaadeen inuu xaaskiisa u tago, waxa ay aad u xoojiyeen ka warhaynta, ilaalada iyo inay dusha kala socdaan dhaqdhaqaaqyadiisa. Wujdaan markii ilmihiisii uu soo aasay shaqadiisii ayuu ku soo laabtay, waxayna isaga iyo xaaskiisii u tahriibeen Jarmalka Galbeed, wuxuuna tagay Xarunta Midawga Mukhaabaraadka. Wujdaan Maxkamadda ayaa looga yeedhay. Maxkamaddu waxa ay aragtay inay aad uga khafiifisay haddii ay ku xukunto siddeed sannadood oo shaqo adagi la socoto, waana la xidhay. Waxaa jeelka lagu xidhay sannadkii 1966kii, xaaskiisuna way isqarin jirtay, ninkeedana Jeelka ayay ku soo booqan jiray.

Sheekadani waa mid muujinaysa sida basaaskii waynaa u fashilmay ka dib markii uu jaceyl ku dhacay, waayo arrimo jaceyl ayuu galay.

Sidoo kale, khubaradu waxa ay sheegeen in doonista raggu ay aad u ixtiraamaan hablaha, ayna u nugulyihiin doonistooda. Ilinta ama oohinta gabadh ka timaaddaa ragga waxgaradka ah waxa ay kaga darantahay cadaw ay garoon iyo goob bannaan iskaga horyimaaddeen. Sidaas darteed ilintu waa hub gumaad dheer oo geeddisocod taariikheed oo badan leh. Immisa ayuu halbeeggu isbeddelay, oo natiijooyin dagaallo laga filnayay isla baddeleen ilintaas daraaddeed!

Qisooyin noocaas ah, iyo xogo badan oo arrimaha SIRDOONKA ku saabsan ka akhri buugga SIRDOON.

Sii Faafi ( Share) dheh.

Comments

Post a Comment

Popular posts from this blog

Faallada Buugga “ Furaha Ganacsiga”

-
Image
   Hordhac   Buuggan waxa la yidhaahda “ Furaha Ganacsiga”, cinwaanhoosaadkiisuna waa ‘ Bilaabista, badbaadinta iyo kobcinta ganacsiga.’ Waxa qoray Dhaqaalayahan Siciid Cali Shire. Sacad, waa aqoonyahan ku takhasusay culuumta ganacsiga, hoggaaminta, iyo bangiyada Islaamka. Wuxuu ka soo shaqeeyay xarumo aqoon, cilmibaadhis iyo latalina oo ku kala yaalla daafaha dunida. Siciid, waa guddoomiyaha shirkadda Buuh Consulting, oo ah shirkad 10kii sano ee la soo dhaafay ka shaqaynaysay horumarinta xarumaha cilmiga, hay’adaha khayriga ah iyo ganacsiga Soomaalida. Dhinaca kale, Siciid waa qoraa buugaag kala duwan qoray, kaliya buuggan uu ma qorine buug kale ayuu qoray, buugta uu qoray waxa aan ka xusi karnaa: Bangiyada Islaamka, oo uu qoray sannadkii 2014kii, iyo buugga la yidhaahdo ‘ Sidee loo noqdaa Hoggaamiye Isbeddel Horseeda’ oo uu soo saaray sannadkii 2014kii. Iyo buugga la yidhaahdo ‘ Dawladnimo’ oo uu saaray sannadkii 2016kii. Buuggan ‘Furaha Ganacsiga’ dhawr daabacadood buu u sameeyay. T
Read more

Gorfaynta buugga ‘ 100 Mashruuc iyo Mashruuc’

-
Image
   Hordhac   Buuggan la yidhaahdo ‘100 Mashruuc iyo Mashruuc’ waxa qoray Xamse Xabiib Xuseen, oo ah Wadaad arrimaha dhaqaalaha inta badan ka hadla, sidoo kalana ah dhiirrigeliye iyo tababbare cashirro bixiya. Wuxuu soo saaray badhtamihii sannadkan sii galbanaya ee 2023ka. Waxa lagu soo bandhigay Caasimadda Hargaysa, gaar ahaan Hotelka Maansoor. Wuxuu ka koobanyahay  4 Cutub, oo ballaadhan, weliba qaybo ayuu u sii qaybinayaa marmar qoraagu. Bog ahaan wuxuu ka koobanyahay 200 bog oo waraaqadda A5 ka ah. Marka hore waan bogaadinayaa qoraaga, wuxuu wax ka qoray mawduuc ay yartahay in dadka Soomaaliyeed wax ka qoraan, ama qoraalkiisa iyo ka hadalkiisuba yaryahay ; taas qoraaga waan ku bogaadinayaa. Buugu guud ahaantii wuxuu ka warramayaa waxa loo yaqaanno ‘ Horumarinta Dhaqaalaha Shakhsiga ah.’   Ka akhriste ahaan, waxa aan isku dayi doonaa inaan sheego wixii aan kala kulmay, iyo sida aan u arko baaxadda buugu leegyahay ee mawduuca uu falanqaynayo. Nuxurka Buugga Cutubka 1aad wuxuu qoraagu
Read more

MAXAAN KU SOO ARKAY MAGAALADA HERAR?

-
Image
     Hordhac   Ka Sandheere ahaan, markii koowaad waxa aan booqday oo soo arkay Magaalada Herar, May 19, 2o24. Herar in badan baan maqlayay, waxbadanna ka akhriyay, se inaan dhex joogsado oo wixii aan akhriyay arko waan ku faraxsanahay. Qoraalkan kooban waxa aan kaga warrami doonaa wixii aan ku soo arkay magaalada Herar, iyo guud ahaan wax ku saabsan magaalada facawayn ee Herar.                                             Sooyaalka Herar   Herar, waxa ay ku taallaa Bariga Itoobbiya. Waxa ay 500 KM u jirtaa magaala Madaxda Dalka Itoobbiya ee Addis Ababa. Waa magaala madaxda Gobolka Herar. Waxa ay ku taallaa dhul buurallay ah, dhul aad u qabaw, cagaar ah, dhir badan oo inta badan roobku ka da’o. Marka aad magaala guud ahaan fiirisid waxa ishaadu qabanaysaa dhir aad u farabadan. Magaalada Herar, waqtigii hore waxa lagu naanaysi jiray magaaladii Awliyada ( The City off Saints). Oo Carabta ayaa magacaas u taqaannay, sababtuna waxa ay ahayd culimo badan baa ku noolaa. Dhinaca kale, Magaalada
Read more