Faallada buuga ‘ Awoodda Si Togan u Fekeridda- The Power of a Positive Mindset’

-

 



Buuga ‘ The Power of a Positive Mindset’ waxa qoray Jason Wolbers. Af soomaali ahaan waxa aan mu macnayn karnaa ‘Si Togan u Fekeriddu.’ Buugu wuxuu ka warramayaa sida maskaxda sida togan u fekeraysaa saamayn wacan ee ay ku yeelan karto waayaha kala duwan ee qofka noloshiisa. Halkan waxa aan ku soo koobayaa shan cashir oo aynu ka baran karno buuga:

1- Saamaynta fekerrada xaqiiqada ku salaysan: Qoraagu wuxuu xoojinayaa in fekerradeennu qaabeeyaan xaqiiqada. In qofku abuuro fekerro togani waxa ay saamayn ku yeelataa habfekerkeenna, habdhaqankeenna, iyo  natiijooyinkeenna. Sidoo kale, waxa ay innagu hoggaamisaa in aynu gaadhno guulo nololeed oo badan iyo inaan nolosha waxbadan qabsanno.

2- In qofku iska gabagabeeyo fekerrada taban ee naftiisu ugu sheekaynayso: Buugu wuxuu hoosta ka xarriiqayaa muhiimadda ay leedahay in la aqoonsado ka dibna laga takhalluso fekerrada taban ee naftu qofka ugu sheekaynayso. Waa in meesha laga saaraa shakiga nafta iyo dhalleecaynta naftu waddo oo waa in lagu baddelo xaqiiqoon iyo habfeker wax dhisaya, ka dibna fekradahaas togan ee wax dhisayaa waxa ay kor u qaadayaan qanaacada nafta iyo dhiirrigelinta.

3- Bogaadinta: Bogaadintu waa arrin awood leh oo joogtaysa habfekerka togan. Qoraa Wolbers wuxuu soo jeedinayaa falcelinta wanaagsan ee bogaadintu ku leedahay waxyaabaha wacan ee nolosha, waana in laga fogaado waxyaabaha dhibaatooyinka soo jiidaya ee keenaya, waana in kor loo qaado hagaajinta guud ee qofka noloshiisa iyo kor u qaadiddeeda.

4- Waa in caqabadaha loo baddelo fursado: Wolbers wuxuu dhiirrigelinayaa in caqabadaha loo baddelo fursado, waana in caqabadaha loo adeegsado ama loo baddelo koritaan iyo horusocod. Arrintani waxa ay keenaysaa in qofku noqdo qof adag oo dhabar adag oo Samir leh, iyo in uu noqfo qof caqabadaha kala duwan ee soo waajaha xalliya, in kor loo qaado horumarinta qofeed iyo horumarinta xirfadeed ee qofka.

5- Naftaada ku hareeree ama xayndaab uga dhig si togan: Buugu wuxuu xooga saarayaa muhiimadda ay leedahay in qofku helo deegaan taageeraya oo qofka dhisaya. Naftaada ku hareeree oo ku weegaar meel togan, dad ku dhiirrigeliya, iyo in qofku kordhiyo hal’abuurkiisa. Waxyaabahaasi waxa ay kor u qaadayaan habfekerka togan, in qofku dhiirrigelin helo.

 

W/Q: Cabdirisaaq Sandheere

09-08-2024

Comments

Post a Comment

Popular posts from this blog

Safarkaygii Magaalada Goday

-
Image
    Hordhac 30 Ogosto, 2024ka waxa aan safar saacado badan qaatay ku gaadhay magaalada Goday ee Xarunta Gobolka Shabeelle. Ujeeddada safarku waxa ay ahayd ka qaybgalka Bandhiga Caalamiga ee Goday oo maalmahaas ka furmayay magaalada Goday, iyo dalbarasho dadban oo ay muhiim tahay in qofku dhulka, bulshada iyo ciiddiisaba bartaa. Qoraalkan kooban waxa aan kaga warrami doonaa socdaalkaas dheer ee aan ku tagay magaalada Goday, meelihii aan sii maray, iyo guud ahaan wixii aan deegaannadaa ku soo arkay. Waxa kale oo aan si guudmara uga warrami Bandhiga Caalamiga ee Goday oo maalmahaas magaalada ka socda iyo sidii jewigu ahaa. Deegaannada aan Maray Markii koowaad ayaan magaalada Jigjiga dhinaca Koonfur Bari uga baxay, waa jidka dheer ee boqollaalka kiiloomitira ee deegaanno badan taga, aakhirkana gaadha magaalada aan u socdo ee Goday. Abbaaro 10:00 ayaan ka dhammaaday Jigjiga oo dariiqa cagta saaray. Dhulku cagaar buu ahaa, agagaarka iyo meelaha ku hareeraysan laamaydu waxa ay ahayd ...
Read more

Bandhiga Buugta Goday 2024

-
Image
  Hordhac Sannadkan 2024 waxa markii 1aad magaalada Goday ka dhacay bandhig buug. Taariikh wayn iyo horumar ayay u tahay dadwaynaha magaalada Goday iyo cidkasta oo bandhigaa goobjoog u ahayd. Anigu shakhsiyan markii aad ayaan fursad u helay ka qaybgalka bandhiga Caalamiga ah ee Goday ( Goday International Book Fair). Bandhiga waxa cinwaan ama ladh looga dhigay ‘ Wax BARO, waxna BEERO.’    Waa halkudheg wayn oo ururinaya laba arrimood oo muhiim ah: Waxbarasho iyo shaqo. Waa laba qodob oo Bini’aadanka u muhiima, kaalin wayna ugu jira. Bandhigu wuxuu ka qabsoomay Xarunta Dhallinyarada Goday, iyo Hoolka Hotelka Shabeelle. Buugta waxa lagu iibinayay oo loo sharraxay Xarunta Dhallinyarada, halka doodaha iyo bandhigyada lagu qabanayay Hoolka Hotelka Shabeelle. Bandhiga waxa soo qabanqaabiyay dhallinyaro kala duwan ka soo jeeda magaalada Goday. Iyaga ayaa isxilqaamay oo u badheedhay inay markii 1aad bandhig sidaa u wayn ku qabtaan deegaannadan oo aan hore loogu qaban jirin bandhi...
Read more

MAXAAN KU SOO ARKAY MAGAALADA HERAR?

-
Image
     Hordhac   Ka Sandheere ahaan, markii koowaad waxa aan booqday oo soo arkay Magaalada Herar, May 19, 2o24. Herar in badan baan maqlayay, waxbadanna ka akhriyay, se inaan dhex joogsado oo wixii aan akhriyay arko waan ku faraxsanahay. Qoraalkan kooban waxa aan kaga warrami doonaa wixii aan ku soo arkay magaalada Herar, iyo guud ahaan wax ku saabsan magaalada facawayn ee Herar.                                             Sooyaalka Herar   Herar, waxa ay ku taallaa Bariga Itoobbiya. Waxa ay 500 KM u jirtaa magaala Madaxda Dalka Itoobbiya ee Addis Ababa. Waa magaala madaxda Gobolka Herar. Waxa ay ku taallaa dhul buurallay ah, dhul aad u qabaw, cagaar ah, dhir badan oo inta badan roobku ka da’o. Marka aad magaala guud ahaan fiirisid waxa ishaadu qa...
Read more