Dhagxintii Soraya!

-


Sannadkii 1986kii waxa dhagax lagu lagu dilay haweenaydan oo la odhan jiray Soraya. Sababta loo dilay waxa ay ahad ninkeedii ayaa doonay inuu Minyaraysto, way diidday, ka dibna uxuu ku masabbiday inay gogoldhaaf samaysay! Soraya caan bay ka noqotay tuuladii lagu dhagxiyay oo dalka Iiraan ka mid ahayd iyo guud ahaan dalka Iiraan ba!

Ninkeedii oo Iiraani ahaa marki uu doonay inuu minyaraysto oo gabadh kale guursado Soraya kamay yeelin! Way diiday! Haddii uu furo oo warqadda siiyo waxa laga rabaa MEHERKII Soraya oo aanu awoodin. Laba daran mid dooro ayaa la gudboonaatay ninkii Soraya qabay. Ninkii haddii uu furo meher badan baa laga rabaa, haddii uu qabana Soraya way diiday in uu la guursado! Ka dib ninkii shax kale ayuu degay, wuxuu bilaabay sidii uu nolosha u dhaafin lahaa Soraya, marka uu dilana u guursan lahaa gabadh uu rabo. Wuxuu ku soo eedeeyay in Soraya khiyaano samaysay oo gogoldhaaf samaysay! Xadka qofka guur soo maray waa in dhagax lagu dilo! Sidii baa la yeelay. Gabadhii waa la masabbiday oo khiyaano ah in ay gogoldhaaf samaysay ayaa lagu eedeeyay ka dibna dhagax baa lagu dilay!

Qisadan waxa 10 sano ka hor buug ka qoray Qoraa Faransiisa, wuxuuna cinwaan uga dhigay ( La Femme Lapidée) oo ku qoran Af Faransiiska, waxaana lagu turjumay cinwaanka ah ( The Stoning of Soraya~ Dhagxintii Soraya.' Waxaana sannadkii 2008dii laga metelay Film saamayn wayn yeeshay! Filinkaas ciddii daawatay waxa ay ku sheegeen inay ka buuxdo cadho, cunfi, dhibaato iyo in lagu tacaddiyay gabadh yar oo aan waxba galabsan!

Sheekadan oo dunida caan ka noqotay waxa aynu ka baran karnaa:

1- Damaca ragga ee liita ee ku saabsan in ragga qaarkood markasta u hanqaltaagaan inay guursadaan xataa haddii ay xaasas hore leeyihiin.
2- Ragga hammigooda koowaad waa dumar, xataa naf bay u goyn karaan si ay u helaan gabadha ay jeclaadeen.
3- In la iska hubsado qofka lagu tuhmayo oo aan lagu gafin oo lagu qaadin danbi aanu samayn.
4- In marar badan qofka xumaan lagu tuhmayaa noqon karo qof wanaagsan oo ka dhawrsoon waxaas.

Qisada waxa aan ka dheegtay Page ( صفحات من التاريخ
1.) Inta hoose ee tacbiirka ah aniga oo Cabdirisaaq Sandheere ah ayaa raaciyay.

Maxaad ka fahantay Qisada? 

Comments

Post a Comment

Popular posts from this blog

Gorfeynta Buugga “ A Woman of Firsts ~ Marwadii koowaad” oo Dr Edna Aadan qortay

-
Image
  Hordhac Buuggan waxa lagu magacaabaa “ A woman of Firsts ~ Gabadhii ugu horreysay.” Cinwaanhoosaadkiisu waa ‘ The Midwife who built A hospital and changed the world ~ Ummulisadii Cusbitaalka dhistay ee adduunyada baddeshay!” Waxa qortay Adna Aadan Ismaaciil. Adna, waa aasaasaha Dhaktarta Adan Aadan, iyo Jaamacadda Adna Aadan. Waxa ay soo noqotay Wasiirkii Arrimadaha debadda, iyo sidoo kale wasiirkii Arrimaha bulshada Soomaalilaan. Haddana waaa xubin ka mid an wadahadallada Soomaalilaan iyo Soomaaliya. Waxa ay isguursadeen, oo ay xaas u ahayd Madaxweynihii hore ee Soomaalilaan Maxammed Xaaji Ibraahin AHUN, sidoo kale Raysalwasaare ka noqday Soomaaliya waqtigii midawga. Waxa uu ka koobanyahay    257 bog. Waanna 17 Cutub oo xidhiidh ah. Waxa uu ka warramayaa taariikhnololeedka Adna Aadan.    Waxa aan isku dayayaa in aan gorfeeyo, oo meelaha qaar naqdiyo. Sidoo kale, nuxurka guud soo koobo. Nuxurka buugga Buugga intaanad gelin dhinaca hore ee XUQUUQDA buugga lagu ...
Read more

Markaad wax akhirid maxaa dhacaya?

-
Image
 Markii aad akhridid 10 buug: Waxa aad isdareensiin in aad ahay qof adduunyada fahmay oo waxa aad isku qaadan in aad tahay qof awooda inuu waajihi karo Faylasuufyada iyo khubarada waawayn. Bunka ayaad caashaqi oo ku labaceshayn, waxaanad dooran in aad fadhiisatid maqaaxiyaha oo kursi gaar ah ayaad isku kala bixin.  Marka aad 50 buug akhridid:   Waxa aad qaadan qalin oo waxa aad bilaabi in aad buug akhridid, buuga aad akhriyaysidna ka reebatid nuxur, xataa mararka qaar waxaabad ku qoran jeldiga buuga ( iyo meelaha bannaan).  Marka aad 100 buug akhridid:  Waxa aad kala saari doontaa buugta xulka ah ee wanaagsan iyo buugta liidata ee aan waxbadan kugu kordhinayn.  Marka aad 250 buug akhridid:  Dadka ayaad inta badan ka fogaan, oo waxa aad noqon kelidii socde; mana xiisayn doontid heesaha qarxay, iyo barnaamijyada faafay ee bulshadu ku yaacday, oo waxa aad iskaga noolaan caalamkaaga kuu gaarka ah.  Waxaanad raadin sida qofka waalan uu u raadiyo q...
Read more

Milicsigayga Sannadkan 2024 ( My Annual Review In 2024)

-
Image
   Hordhac   Waxa dhammaanaya sannad, oo waxa lagu jiraa maalmihii ugu danbeeyay sannadka 2024ka. Waa ila muhiim inaan dib ugu laabto sannadkaas galbaday.  In qofku naf ahaan u xisaabtamo, oo sannadka tagay wax iska wayddiiyaa waa muhiim. Waliba inuu qofku ogaado wixii u qabsoomay, iyo wixii ka qabyoobay saamayn wanaagsan ayay mustaqbalkiisa leedahay. In waqti tagay maxaa qabsoomay iyo maxaa qaldamay la iska wayddiiyaa horumar danbe oo amminta soo socota ah ayay keentaa. Qofku wixii ka qaldamay sannadka soo socda inuu saxo ayuu u xadhkaxidhanayaa.Sidoo kale, waxa ay keenaysaa sannadka soo socdana inuu u diyaargaroobo oo dadaal iyo halgan adag la yimaaddo. Aniga oo taas ka duulaya, waxa aan rabaa sannadkan dhammaaday ee 2024 ka aan si kooban u sheego waxa aan dheefay, buugta aan akhriyay, qoraallada aan qoray, waxa aan bartay, turjumaadda aan sameeyay, magaalooyinka aan u safray IWM. Akhriska Akhrisku waa caadadayda. Maalinkasta waxa aan jeclahay inaan wax akhriyo. Ma...
Read more