12 Xaqiiqo ee ay tahay in qofkastaa aqbalo

1- Jooji naftaadan aad dadka kale barbardhigayso: Isbarbardhiggu waa dabin, Baraha bulshada iyo dadka xaasidiinta ahi keliya waxa ay kaa xadayaan farxaddaada iyo meeshii aad ku fooganayd. Safarkaagu waa jaadgooni, keliya naftaada isbarbardhig tagtadeedii iyo hadda, se cid kale ha isbarbardhigin.

2- Maalgelinta naftaadu maaha nacasnimo: Koritaankaga cidkasta oo kuu dhaw way ka faa’idaysaa. Waxbarashada, tababbarrada, iyo kobcinta xirfadahaagu maaha dayacaad, balse waa u diyaargarawga nolol wanaagsan.

3- Culaysyada shucuureed qofka way burburiyaan in ka badan culaysyada dhaqaalaha: Culaysyada, werwerka iyo qoomamadu iyagaa ka daran culaysyada dhaqaalaha. Maskaxdaada nadiifi, cafiska iyo isku noqoshada naftu waa waxyaabaha ugu muhiimsan.

4- Fekerku markaad dhimato macne malaha: Markaad dhimatid qofna xasuusan maayo waxaad ka fekeraysay. Waxyaabaha debadda kaaga imanayaa yayna saamayn dookhaaga iyo doonistaada.

5- Muhiimaddu waa waxa aad hadda haysatid uun: Tagtadii way tagtay, mustaqbalkuna maaha wax la hubo oo hubanti ah. In aad labadaba ka werwertid waxa ay kaa xadaysaa tamartaada. Diiradda saar waxyaabaha aad hadda qaban kartid.

6- Noloshu ma tixgeliso cudurdaarkaaga: Ma jiro qof ku amaahinaya dabacsanaan marka aad ku jirto nolol adag. Qaad masuuliyaddaada, oo jooji cabashada. Adigu waxa aad tahay qorsheeyaha sheekadaada/ taariikhdaada, ku qor ficil iyo hawlgal.

7- Qofkasta ma farxad gelin kartid: In aad isku daydid in aad qofkasta raalligelisid waxa ay keenaysaa degganaan la’aan nafsadeed. Xuduud yeelo, kuna shaqee qiyamkaaga. Cidda kuu muhiimka ahi way ku tixgelin doontaa, kuwa kalana waxba kaama gelin.

8- Xidhiidhadu waa muhiim: Lacagta badan iyo guuluhu kuuma baddeli karaan xidhiidhada wanaagsan. Maalgeli xidhiidhadaada, si daacadnimo leh ula xidhiidh, naftaadana ka ag dhawee dadka ku taageera.

9- Yool ficil la’aan ahi waa hal bacaad lagu lisay: Riyooyinku haddii aan la fulin macne malaha. Jooji qorshahan aan dhammaadka lahayn, oo shaqada bilow. Tallaabo yar oo aad qaadid ba waxa ay muddo ka dib keenaysaa natiijo wayn.

10- Waqtigu waa hantidaada ugu qaalisan: Lacagtu markay dhammaato dib waa loo heli karaa. Waqtiga dib looma soo celin karo. Noloshaada ka warhay, kana takhallus waxyaabaha ku dhabqinaya ee jidkaaga kaa leexinaya. Saacado ku lumi waxa hore kuu wadaya.

11- Waxqabadku wuxuu muujiyaa in ka badan erayada: Ballanqaadyada, fekradaha iyo dareennadu waa waxba kama jiraan haddii aan ficil laga dhigin. Naftaada masuul ka ahoow, Noqo qof ay erayadiisa iyo ficilkiisuba cadyihiin.

 12- Farxad toos ha u raadin: In aad farxad badan raadisaa waxa ay keentaa werwer iyo isku buuq. Adigu waxa aad diiradda saartaa koritaankaaga, tababbarka naftaada/anshaxa, ujeeddooyinkaaga, iyo waxsoosaarkaaga. Farxaddu waxa ay ka imanaysaa waxsoosaarakaaga iyo waxqabadkaaga.

 

W/Q: Brotherhood

Turjumid: Cabdirisaaq Sandheere

13 Nov. 2025