Ka faa’idayso sannadka cusub 2026

-



Hordhac

Waxa innoo bilaabmay sannad cusub. Waa waqti cusub iyo waayo cusub oo u baahan in laga faa’idaysto, waxna qofku iska wayddiiyo sidii uu fursaddaas cusub uga faa’idaysan lahaa.

Waxa jira dad badan oo aan gaadhin sannadkan, way kula joogeen sannadkii hore ee 2025ka, balse maanta ma noola oo way innaga hooseeyaan, wayna dhinteen. Fursad wayn ayaad haysataa oo aad dadkaas kaga duwantahay, waana in aad nooshahay.

Waxa jira dad badan sariir saaran ama dhakhtar ku jira, dadkaas oo aan awoodin in ay kacaan ama wax qabsadaan. Adigu in aad caafimaad qabtid oo aad socotid waa fursad aad haysatid iyo jaanis wayn.

Waxa jira dad xabsi iyo jeel ku jira oo aan albaabka dhaafi karin, dadkaasi oo aan haysan xorriyad iyo madaxbannaani midna. Balse, taa cagsigeeda adigu waxa aad haysataa xorriyad iyo madaxbannaani dhammaystiran oo ma jirto cid ku haysata ama kuu diidaysa in aad hawlahaaga qabsatid.

Sideed uga faa’idaysanaysaa?

Maadaama aad sannadkan nolol dhammaystiran ku gaadhay, dhakhtarna aanad ku jirin, xorriyad iyo madaxbannaanina aad haysatid waa muhiim in aad ka faa’idaysatid. Waxyaabahan kaga faa’idayso:

1-Cibaadada Alle: Waxa aad isku daydaa in aad sannadkan xoojisid cibaadada Alle. Haddii aad hore ugu fiicnayd cibaadada hanbalyo, haddii kalana sii xooji sannadkan.

2- Waxkorodhsi: Sannadkan waxa aad isku daydaa in aad wax korodhsatid oo halkii sannadkii hore aad joogtay hore uga socotid aqoon ahaan.

3- Xidhiidh caafimaad qaba: Waa in aad bulshada iyo cidda kuu dhaw la yeelatid xidhiidh caafimaad qaba oo aan sun ahayn.

4- Xirfado: Sannadkan isku day in aad xirfado cusub baratid.

5- Wax kaydso: Waxa aad qorshaha ku darsataa in aad wax keydsatid.

6- Waqtigaaga maaree: Waqtigu waa hanti, sidaas darted ka faa’idayso.

 

Gebagebo

Dhawrkaas qodob ayaan idinka jeclaaday inaan naftayda iyo nafahiinnaba la wadaago. Waxa innoo ballana inaan ku dhaqanno, meel ku qoranno oo xafidno. Maalinta sannadkaasi dhammaado, maalintaas maalinteeda ayaynu sheekaysan INTII nool, insha Allah. Haddaad awoodo waxaan jeclaan lahaa in aad saaxiibkaa/saaxiibbaddaa, walaalkaa, walaashaa, waalidkaa ama ciddii kale eed jeceshahay la wadaagtid dhawrkan qodob, u dir ama cod ahaan ba ugu duub.

 

W/Q: Cabdirisaaq Sandheere

01-01-2026

 

 


Comments

Post a Comment

Popular posts from this blog

Gorfeynta Buugga “ A Woman of Firsts ~ Marwadii koowaad” oo Dr Edna Aadan qortay

-
Image
  Hordhac Buuggan waxa lagu magacaabaa “ A woman of Firsts ~ Gabadhii ugu horreysay.” Cinwaanhoosaadkiisu waa ‘ The Midwife who built A hospital and changed the world ~ Ummulisadii Cusbitaalka dhistay ee adduunyada baddeshay!” Waxa qortay Adna Aadan Ismaaciil. Adna, waa aasaasaha Dhaktarta Adan Aadan, iyo Jaamacadda Adna Aadan. Waxa ay soo noqotay Wasiirkii Arrimadaha debadda, iyo sidoo kale wasiirkii Arrimaha bulshada Soomaalilaan. Haddana waaa xubin ka mid an wadahadallada Soomaalilaan iyo Soomaaliya. Waxa ay isguursadeen, oo ay xaas u ahayd Madaxweynihii hore ee Soomaalilaan Maxammed Xaaji Ibraahin AHUN, sidoo kale Raysalwasaare ka noqday Soomaaliya waqtigii midawga. Waxa uu ka koobanyahay    257 bog. Waanna 17 Cutub oo xidhiidh ah. Waxa uu ka warramayaa taariikhnololeedka Adna Aadan.    Waxa aan isku dayayaa in aan gorfeeyo, oo meelaha qaar naqdiyo. Sidoo kale, nuxurka guud soo koobo. Nuxurka buugga Buugga intaanad gelin dhinaca hore ee XUQUUQDA buugga lagu ...
Read more

Markaad wax akhirid maxaa dhacaya?

-
Image
 Markii aad akhridid 10 buug: Waxa aad isdareensiin in aad ahay qof adduunyada fahmay oo waxa aad isku qaadan in aad tahay qof awooda inuu waajihi karo Faylasuufyada iyo khubarada waawayn. Bunka ayaad caashaqi oo ku labaceshayn, waxaanad dooran in aad fadhiisatid maqaaxiyaha oo kursi gaar ah ayaad isku kala bixin.  Marka aad 50 buug akhridid:   Waxa aad qaadan qalin oo waxa aad bilaabi in aad buug akhridid, buuga aad akhriyaysidna ka reebatid nuxur, xataa mararka qaar waxaabad ku qoran jeldiga buuga ( iyo meelaha bannaan).  Marka aad 100 buug akhridid:  Waxa aad kala saari doontaa buugta xulka ah ee wanaagsan iyo buugta liidata ee aan waxbadan kugu kordhinayn.  Marka aad 250 buug akhridid:  Dadka ayaad inta badan ka fogaan, oo waxa aad noqon kelidii socde; mana xiisayn doontid heesaha qarxay, iyo barnaamijyada faafay ee bulshadu ku yaacday, oo waxa aad iskaga noolaan caalamkaaga kuu gaarka ah.  Waxaanad raadin sida qofka waalan uu u raadiyo q...
Read more

Faallada buuga ‘ Ragga oo kaliya’

-
Image
  Hordhac Buugan cinwaankiisu yahay ‘ Ragga oo kaliya’ waxa cinwaan hoosaad u ah ‘ Xeerarka la dhaqanka dumarka.’ Waxa qoray Dr. Ad’ham Sharqaawi. Waxa luuqadda Af soomaaliga ku turjumay Cabdixakiin Obsiiye, oo ah qoraa iyo turjumaa turjumay buugaag badan oo uu ka midyahay buuga ‘ Salaad baa I dhaaftay.’ Buugu waxa uu ka warramayaa habdhaqannada lagula dhaqmayo dumarka, habfekerka dumarka iyo guud ahaan nolosha dumarka. Wuxuu qaab wanaagsan ka bixinayaa xeerarka ay tahay in raggu kula dhaqmaan dumarka. Nuxurka buuga Marka hore waxa uu qoraagu ka warramayaa abuurka labada jinsi ee ragga iyo dumarka. Wuxuu qoraagu ku bilaabayaa in sida qudha ee lagu fahmi karo mawduuca kala duwanaanshaha labada jinsi waa in loo noqdo asalkii abuurta insaanka. Eebbe SWT, wuxuu doonay in la dego meerahan aynu ku noolnahay, waana sidii dhacday oo dhoobo ayaa uu u ka uumay hummaag dada oo u uku farayaraystay, ka dibna wuxuu ku afuufay ruux. Aadan oo bashar dhammaystirana ayaa istaagaya, ha ahaa...
Read more